ಒಮ್ಮೆಯಾಗಿದ್ದರೆ.....

ಒಮ್ಮೆಯಾಗಿದ್ದರೆ ಸಹಿಸುತಲಿದ್ದೆ ,
ಮತ್ತೊಮ್ಮೆಯಾಗಿದ್ದರೂ ಪರಿಣಾಮ ಊಹಿಸುತಲಿದ್ದೆ,
ಎಲ್ಲಿದ್ದವೋ ಈ ಎಣಿಕೆಗೆ ಸಿಗದಷ್ಟು ಕಷ್ಟ
ಸಾಯಿಸದೆ, ಬದುಕಲೂ ಬಿಡದೆ
ಗಂಟಲನ್ನು ಕುಯ್ಯುತ್ತಿವೆ!!

ಒಮ್ಮೆಯಾಗಿದ್ದರೆ ಕ್ಷಮಿಸುತಲಿದ್ದೆ ,
ಮತ್ತೊಮ್ಮೆಯಾಗಿದ್ದರೂ ತಿಳಿ ಹೇಳುತಲಿದ್ದೆ ,
ಎಲ್ಲಿದ್ದವೋ ಇಷ್ಟೊಂದು ಹಿತ ಶತ್ರುಗಳ  ಒಕ್ಕೊರಲು
ಉರಿಯುಲೂ ಬಿಡದೆ, ವಾಸಿಯೂ ಮಾಡದೆ
 ಹಸಿ ಗಾಯಕ್ಕೆ ಉಪ್ಪು ಸುರಿಯುತ್ತಿವೆ !!

ಒಮ್ಮೆಯಾಗಿದ್ದರೆ ಕಲಿಯುತಲಿದ್ದೆ,
ಮತ್ತೊಮ್ಮೆಯಾಗಿದ್ದರೂ ನನ್ನನ್ನು ಅಣಿಗೊಳಿಸುತಲಿದ್ದೆ ,
ಎಲ್ಲಿದ್ದವೋ ಅಷ್ಟೊಂದು ಕೆಲಸ ನಾರಿಗೆ
ಒಂದನ್ನೂ ಮುಗಿಸದೆ, ಮತ್ತೊಂದನ್ನು ಶುರುಮಾಡಲು ಬಿಡದೆ
ಬೆಂಬಿಡದೆ ಕಾದು  ಕೂತಿವೆ !!

ಒಮ್ಮೆಯಾಗಿದ್ದರೆ  ಸುಮ್ಮನಿರುತ್ತಿದ್ದೆ,
ಮತ್ತೊಮ್ಮೆಯಾಗಿದ್ದರೂ  ಹಾರಿಕೆಯ ನಗುವಿಡುತ್ತಿದೆ,
ಎಲ್ಲಿದ್ದರೋ ಕಾಲೆಳೆಯುವ ಅಷ್ಟೊಂದು ಮಂದಿ,
ಮಾತನಾಡಲೂ ಬಿಡದೆ, ತಾವೂ ಮಾತನಾಡದೆ
ಮೌನಕ್ಕೆ ಶರಣಾಗಿದ್ದಾರೆ!!

ಒಮ್ಮೆಯಾಗಿದ್ದರೆ ಸುಮ್ಮನಿರುತ್ತಿದ್ದೆ
ಮತ್ತೊಮ್ಮೆಯಾಗಿದ್ದರೂ ಇಣುಕಿ ನೋಡುತ್ತಿದ್ದೆ,
ಎಲ್ಲಿದ್ದವೋ ಇಷ್ಟೊಂದು whatsapp messages
ಯಾವ ಕೆಲಸವನ್ನೂ ಮಾಡಲು ಬಿಡದೆ, ನಿರ್ಲಕ್ಷಿಸಲೂ ಬಿಡದೆ
ನನ್ನನ್ನು ಹಿಡಿದು ಕೂರಿಸಿವೆ :-) :-)


Comments

Post a Comment

Popular posts from this blog

ಅವಳು!!!

ಓಡಿ ಆಡೋ ಹೆಣ್ಣು ಮಗು ಮುಖ ಬಾಡಿ ಏಕೆ ನಿಂತಿಹುದೋ !!! ಕುಣಿದಾಡಿ ಆಡೋ ವೇಳೆಯಲ್ಲಿ ಹಲ ಭಾರಗಳ ಹೊತ್ತಿಹಳೊ !! ತಾಯಿ ಜೊತೆ ಮನೆ ಕೆಲಸ , ಮಗಳಿಗೆ ಪ್ರತಿ ದಿವಸ , ರೋಗದಿ ಮಲಗಿದರೆ ಪಕ್ಕದಲ್ಲಿ ಪ್ರತಿ ನಿಮಿಷ! ಬಾಗಿಲಿಗೆ ನೀರು ಹಾಕಿ, ಹಸುಗಳಿಗೆ ಹುಲ್ಲು ಹಾಕಿ, ಪಾತ್ರೆ ತೊಳೆವ , ಬಟ್ಟೆ ಒಗೆವ -ಹುಟ್ಟಿಸಿದನು ಬ್ರಹ್ಮ ಇವಳನು !! ಈ ಎಳೆ ಮಲ್ಲಿಗೆ ಬಾಲೆ, ಹಲ ಹೊರೆಯು ಇವಳ ಮೇಲೆ , ಅದ ನೆನೆದು ನೆನೆದು ಕೊರಗಿ ಕೊರಗಿ ಮನಸು ಮುಳ್ಳಿನ ಮಾಲೆ!! ಹಾಗೆ ಸುಮ್ಮನೆ ಮೇಲಿನ ಸಾಲುಗಳು ನೆನಪಾದವು!!! ನಾನು ಶಾಲೆಯಲ್ಲಿ ಓದುವಾಗ ಹಾಡಿದ ಹಾಡಿದು !! ಆಗ ಸುಮ್ಮನೆ ಬಾಯಿ ಪಾಠ ಮಾಡಿ ಹೇಳಿದ್ದೆ , ಯಾಕೋ ಇವತ್ತು ಗುನುಗುವಾಗ ನಿಜವಾದ ಅರ್ಥ ಅರಿವಾಯ್ತು !! ಮನೆಯಲ್ಲಿ ಯಾವುದೇ ಕೆಲಸಕ್ಕೆ ಅವಳು ಬೇಕು !! ಬೆಳಿಗ್ಗೆ ಎದ್ದೊಡನೆ ಹೀರುವ ಚಹಾ ಅವಳೇ ಮಾಡಿಡಬೇಕು! ನಂತರದ ತಿಂಡಿಯು ಅವಳೇ ಮಾಡಬೇಕು! ಜೊತೆಗೆ ಮಗುವಿದ್ದರೆ , ಅದಕ್ಕೂ ಅವಳ ಕೈಯಾರ ಮಾಡುಣಿಸಬೇಕು!! ಜೊತೆಗೆ ಅವಳು ಹೊರಗೆ ದುಡಿಯುವುದಾದರೆ ಮದ್ಯಾಹ್ನಕ್ಕೂ ಬೇಯಿಸಬೇಕು !! ಮನೆಯವರ ಇಷ್ಟಗಳನ್ನು ಪರಿಗಣಿಸಬೇಕು, ಅವರಿಗನುಗುಣವಾಗಿ  ಅವಳು ಕೆಲಸ ಮಾಡಬೇಕು !! ಅಳುವ ಮಗುವನ್ನು ಸಂತೈಸಿ ಮಲಗಿಸಬೇಕು , ನಂತರ ಆಫೀಸ್ ಗೆ ಹೊರಡಬೇಕು! ಆಫೀಸ್ ನಲ್ಲಿರೋ  ಭಾರಗಳನ್ನೂ ಸರಿದೂಗಿಸಬೇಕು!! ಮನೆಗೆ ಸಂಜೆ ವಾಪಾಸಾದರೆ ಯಥಾ ಪ್ರಕಾರದ ಕೆಲಸ ಅವಳಿಗೆ !! ಅವಳೇನಾದರೂ ಯಂತ...
Read more

ಹೋಗಿ ಬಾ ಮಗಳೇ !!

ಶುಕ್ರವಾರದ ಮದ್ಯಾಹ್ನ!! ಆತುರಾತುರವಾಗಿ ಎಲ್ಲ ಕೆಲಸಗಳನ್ನು ಮುಗಿಸಿ, ಪರದೇಶದಲ್ಲಿರುವ ಬಾಸ್ ಎಂದು ಕರೆಸಿಕೊಂಡು ಕುಳಿತಿರುವ ಕಲ್ಲು ಹೃದಯದ , ಮಾನವನಂತೆ ಕಾಣುವ ಮೃಗಕ್ಕೆ ಇಮೇಲ್ ಮಾಡಿ - ಇವತ್ತಿನ ಕಾರ್ಯಗಳಿಗೆ ಇತಿ ಶ್ರೀ ಹಾಡಿ, ಕನಸಿನ ಮೂಟೆಗಳನ್ನು ಹೊತ್ತು, ಒಂಬತ್ತು  ದಿನದ ರಜೆಯ ಗುಂಗಿನಲ್ಲೇ ತೇಲುತ್ತ  ಆಫೀಸ್ ನಿಂದ ಕಾಲ್ಕಿತ್ತಾಗ ಸೂರ್ಯ ನೆತ್ತಿಯ ಮೇಲಿದ್ದ !!! ಮನೆಗೆ ಬಂದು ಕೈಗೆ ಸಿಕ್ಕಿದ್ದನ್ನು ಬ್ಯಾಗ್ ಒಳಕೆ ತುರುಕಿಸಿ ಪ್ಯಾಕಿಂಗ್ ಮುಗಿಸಿದೆ ! ಹಾ! ಅಂದ ಹಾಗೆ ಅದು ಬರಿ ನನ್ನ ಸರಂಜಾಮುಗಳ ಪ್ಯಾಕಿಂಗ್ !! ಅದಕ್ಕೆ ಈಗ ಆದ್ಯತೆ ತುಂಬಾ ಕಡಿಮೆ !! ಇನ್ನು ನನ್ನ ಮಗುವಿನ ಸಾಮಾನು ತುಂಬಲು ಒಂದು ದೊಡ್ಡ ಬ್ಯಾಗ್ ತೆಗೆದು, ಅದರೊಳೆಗೆ ಬೇಕಾದ ವಸ್ತುಗಳನ್ನು ತುಂಬಿಸಿದಾಗ ನನ್ನ ಶಾಲೆಯ ದಿನಗಳ ಜ್ಞಾಪಕವಾಗಿತ್ತು !! ಅಮ್ಮ ಕೂಡ ನನ್ನನ್ನು ವಸತಿ ಶಾಲೆಗೆ ಕಳುಹಿಸುವಾಗ ಟ್ರಂಕ್ ನಲ್ಲಿ ಹೀಗೆ  ಜೊಡಿಸುತ್ತಿದ್ದಳು , ಆದರೆ ಅದು ತುಂಬಾ ಒಪ್ಪವಾಗಿರುತ್ತಿತ್ತು .  ಒಂದು ಹಾರಿಕೆಯ ನಗುವೊಂದಿಗೆ ಕೆಲಸ ಮುಂದುವರಿಸಿದ್ದೆ ! ಮಗುವಿಗೆ ಬೇರೆ ಅಂಗಿ ತೊಡಿಸಿ , ತುಂಬಿರುವ ಬ್ಯಾಗ್ ಗಳನ್ನೆಲ್ಲ ಕಾರ್ ಡಿಕ್ಕಿ ಒಳಗೆ ಸೇರಿಸಿದಾಗ ಕಿರು ಬೆರಳಿನಲ್ಲಿ ಬೆಟ್ಟ ಎತ್ತು ಬಿಸಾಕಿದ ಅನುಭವ !! ಬೆಂಗಳೂರು ಬಿಟ್ಟು, ಹೈವೇ ಯ ಖಾಲಿಯಾಗಿರುವ ರಸ್ತೆಯ ಮೇಲೆ ಕಾರ್ ಒಡುತ್ತಿರುವಂತೆ, ನನ್ನ ಕೂಸಿಗೆ ನಿದ್ರೆ ಆವರಿಸಿತ್ತು!...
Read more

Life lessons on the way!!!

On the way to office got stuck in a huge traffic. It is uneasy to be part of the traffic and that too in the verge  of starting the day. There stood the water tanker right in front our car. There were small stones on the road as the digging was happening few days back,  which were the size of a small cork ball. As there were no signs of movement, I started to stare at the droplets of water through the nob of that tanker. These droplets were falling on these small stones which I saw earlier, they were straight under the bottom of the nob. As the droplets were falling from approximately a meter height, it had force. The physics in my mind vanished, but the philosophic mind was active. Few of the stones started reducing the size. May be they were  just lumps of mud, few got broken- may be they were hardest mud lumps, but the few stones started shining in the sun rays, and they appeared very new. They were rock solid - rocks. There was still no movement in the traffic, and n...
Read more