ಆಮಂತ್ರಣ

ಮೊದಲಾದರೆ
ಮದುವೆ ಮನೆಯೆಂದರೆ
ಮದುವೆಯೊಂದಿರುತ್ತಿತ್ತು ..
ತಿಂಗಳ ಮೊದಲೇ ಮನೆ ತುಂಬ
ಜನ ,ಸದ್ದು ಸಡಗರವೊಂದಿರುತಿತ್ತು..
ವಾರಗಳ ಮೊದಲೇ
ಆಮಂತ್ರಣವೊಂದು  ಛಾಪಿರುತಿತ್ತು..
ಮನೆಯ ಮಕ್ಕಳಿಗೆ
ಆಮಂತ್ರಣಕ್ಕೆ ಅರಿಶಿನ ಕುಂಕುಮ
ಹಚ್ಚುವ ಕೆಲಸವೊಂದಿರುತ್ತಿತ್ತು..
ನೆಂಟರಿಷ್ಟರು, ಬಂಧುಗಳ  ಹಾಗು ಗೆಳೆಯರ
ಪಟ್ಟಿ ಮಾಡುವ ಜನಗಳಿದ್ದರು..
ಎಷ್ಟಾದರೂ ದೂರ ಲೆಕ್ಕಿಸದೆ
ಪತ್ರಿಕೆ ತಲುಪಿಸುವ ಕಾರ್ಯವೊಂದಿರುತಿತ್ತು..
ಅದರೊಡನೆ ಬೆಚ್ಚಗಿನ ಭಾವನೆಗಳಿರುತಿತ್ತು..
ಕಷ್ಟ ಸುಖಗಳ ಮಾತುಗಳೆರಡಿರುತಿತ್ತು..

ಈಗ ಮದುವೆಗೂ  ಮೊಬೈಲ್ ಯೋಗ !!
ಪತ್ರಿಕೆಯ ಗೋಜು ಬೇಡ
ಅದರೊಂದಿಗಿರುವ ಕೆಲಸವೂ ಬೇಡ
ಪತ್ರಿಕೆ ತಲುಪಿಸುವ  ರೇಜಿಗೆ ಬೇಡವೇ ಬೇಡ
ಮಾತನಾಡುವುದು ದೂರದ ಮಾತು..
ಯಾವುದೋ ಒಂದು ಸೋಶಿಯಲ್ ಮೀಡಿಯಾಗೆ
ಒಂದಿಷ್ಟು ಶಬ್ಧಗಳ ಪೋಣಿಸಿ
ವಿಷಯ ತೇಲಿಸಿದರೆ
ಕೆಲಸ ಸಮಾಪ್ತಿ..
ಹೃದಯ ಬೆಸೆಯುವ ಮಾತುಗಳು ಮೂಕವಾಗಿ,
ಹರ್ಷ ವ್ಯಕ್ತಪಡಿಸುವ ಕಣ್ಣುಗಳು ಕುರುಡಾಗಿ,
ಶುಭವಾರ್ತೆ ಕೇಳುವ ಶ್ರವಣಗಳು ಕಿವುಡಾಗಿವೆ
ಭಾವನೆಗಳ ಬಂಡಿಯಂತು ಖಾಲಿ ಖಾಲಿ..
ಯಾಕೆ  ಈ ರೀತಿಯ ಖಯಾಲಿ!!!???


Comments

Post a Comment

Popular posts from this blog

ಅವಳು!!!

ಓಡಿ ಆಡೋ ಹೆಣ್ಣು ಮಗು ಮುಖ ಬಾಡಿ ಏಕೆ ನಿಂತಿಹುದೋ !!! ಕುಣಿದಾಡಿ ಆಡೋ ವೇಳೆಯಲ್ಲಿ ಹಲ ಭಾರಗಳ ಹೊತ್ತಿಹಳೊ !! ತಾಯಿ ಜೊತೆ ಮನೆ ಕೆಲಸ , ಮಗಳಿಗೆ ಪ್ರತಿ ದಿವಸ , ರೋಗದಿ ಮಲಗಿದರೆ ಪಕ್ಕದಲ್ಲಿ ಪ್ರತಿ ನಿಮಿಷ! ಬಾಗಿಲಿಗೆ ನೀರು ಹಾಕಿ, ಹಸುಗಳಿಗೆ ಹುಲ್ಲು ಹಾಕಿ, ಪಾತ್ರೆ ತೊಳೆವ , ಬಟ್ಟೆ ಒಗೆವ -ಹುಟ್ಟಿಸಿದನು ಬ್ರಹ್ಮ ಇವಳನು !! ಈ ಎಳೆ ಮಲ್ಲಿಗೆ ಬಾಲೆ, ಹಲ ಹೊರೆಯು ಇವಳ ಮೇಲೆ , ಅದ ನೆನೆದು ನೆನೆದು ಕೊರಗಿ ಕೊರಗಿ ಮನಸು ಮುಳ್ಳಿನ ಮಾಲೆ!! ಹಾಗೆ ಸುಮ್ಮನೆ ಮೇಲಿನ ಸಾಲುಗಳು ನೆನಪಾದವು!!! ನಾನು ಶಾಲೆಯಲ್ಲಿ ಓದುವಾಗ ಹಾಡಿದ ಹಾಡಿದು !! ಆಗ ಸುಮ್ಮನೆ ಬಾಯಿ ಪಾಠ ಮಾಡಿ ಹೇಳಿದ್ದೆ , ಯಾಕೋ ಇವತ್ತು ಗುನುಗುವಾಗ ನಿಜವಾದ ಅರ್ಥ ಅರಿವಾಯ್ತು !! ಮನೆಯಲ್ಲಿ ಯಾವುದೇ ಕೆಲಸಕ್ಕೆ ಅವಳು ಬೇಕು !! ಬೆಳಿಗ್ಗೆ ಎದ್ದೊಡನೆ ಹೀರುವ ಚಹಾ ಅವಳೇ ಮಾಡಿಡಬೇಕು! ನಂತರದ ತಿಂಡಿಯು ಅವಳೇ ಮಾಡಬೇಕು! ಜೊತೆಗೆ ಮಗುವಿದ್ದರೆ , ಅದಕ್ಕೂ ಅವಳ ಕೈಯಾರ ಮಾಡುಣಿಸಬೇಕು!! ಜೊತೆಗೆ ಅವಳು ಹೊರಗೆ ದುಡಿಯುವುದಾದರೆ ಮದ್ಯಾಹ್ನಕ್ಕೂ ಬೇಯಿಸಬೇಕು !! ಮನೆಯವರ ಇಷ್ಟಗಳನ್ನು ಪರಿಗಣಿಸಬೇಕು, ಅವರಿಗನುಗುಣವಾಗಿ  ಅವಳು ಕೆಲಸ ಮಾಡಬೇಕು !! ಅಳುವ ಮಗುವನ್ನು ಸಂತೈಸಿ ಮಲಗಿಸಬೇಕು , ನಂತರ ಆಫೀಸ್ ಗೆ ಹೊರಡಬೇಕು! ಆಫೀಸ್ ನಲ್ಲಿರೋ  ಭಾರಗಳನ್ನೂ ಸರಿದೂಗಿಸಬೇಕು!! ಮನೆಗೆ ಸಂಜೆ ವಾಪಾಸಾದರೆ ಯಥಾ ಪ್ರಕಾರದ ಕೆಲಸ ಅವಳಿಗೆ !! ಅವಳೇನಾದರೂ ಯಂತ...
Read more

WIFE - The Companion

She fights for silly things at home with her siblings, But, is it a fault if she does so with you?? Break the tradition , accept her as your friend and be her friend lifetime!! She is a pampered child at her home. Is it her fault to accept the same pampering from you?? Break the rule, accept her as funny kid, let her be the little child at heart!! She doesnt know anything in kitchen as her mom fed her always Is it a fault if she doesnt cook tasty food for you?? Kick the old school logics, let her learn all by herself experimenting on you!! She isnt aware of the traditional rituals done at your home Is it her fault if she is not doing the daily routine poojas at home?? Be her teacher, let her learn and adapt to the new  home!! She is always protected being her father as her real hero Is it her fault if you are her second hero?? Feel proud, you are the only one who can fill that space!! She doesnt know the world as she is always guided by her parents Is it her f...
Read more

ಹೋಗಿ ಬಾ ಮಗಳೇ !!

ಶುಕ್ರವಾರದ ಮದ್ಯಾಹ್ನ!! ಆತುರಾತುರವಾಗಿ ಎಲ್ಲ ಕೆಲಸಗಳನ್ನು ಮುಗಿಸಿ, ಪರದೇಶದಲ್ಲಿರುವ ಬಾಸ್ ಎಂದು ಕರೆಸಿಕೊಂಡು ಕುಳಿತಿರುವ ಕಲ್ಲು ಹೃದಯದ , ಮಾನವನಂತೆ ಕಾಣುವ ಮೃಗಕ್ಕೆ ಇಮೇಲ್ ಮಾಡಿ - ಇವತ್ತಿನ ಕಾರ್ಯಗಳಿಗೆ ಇತಿ ಶ್ರೀ ಹಾಡಿ, ಕನಸಿನ ಮೂಟೆಗಳನ್ನು ಹೊತ್ತು, ಒಂಬತ್ತು  ದಿನದ ರಜೆಯ ಗುಂಗಿನಲ್ಲೇ ತೇಲುತ್ತ  ಆಫೀಸ್ ನಿಂದ ಕಾಲ್ಕಿತ್ತಾಗ ಸೂರ್ಯ ನೆತ್ತಿಯ ಮೇಲಿದ್ದ !!! ಮನೆಗೆ ಬಂದು ಕೈಗೆ ಸಿಕ್ಕಿದ್ದನ್ನು ಬ್ಯಾಗ್ ಒಳಕೆ ತುರುಕಿಸಿ ಪ್ಯಾಕಿಂಗ್ ಮುಗಿಸಿದೆ ! ಹಾ! ಅಂದ ಹಾಗೆ ಅದು ಬರಿ ನನ್ನ ಸರಂಜಾಮುಗಳ ಪ್ಯಾಕಿಂಗ್ !! ಅದಕ್ಕೆ ಈಗ ಆದ್ಯತೆ ತುಂಬಾ ಕಡಿಮೆ !! ಇನ್ನು ನನ್ನ ಮಗುವಿನ ಸಾಮಾನು ತುಂಬಲು ಒಂದು ದೊಡ್ಡ ಬ್ಯಾಗ್ ತೆಗೆದು, ಅದರೊಳೆಗೆ ಬೇಕಾದ ವಸ್ತುಗಳನ್ನು ತುಂಬಿಸಿದಾಗ ನನ್ನ ಶಾಲೆಯ ದಿನಗಳ ಜ್ಞಾಪಕವಾಗಿತ್ತು !! ಅಮ್ಮ ಕೂಡ ನನ್ನನ್ನು ವಸತಿ ಶಾಲೆಗೆ ಕಳುಹಿಸುವಾಗ ಟ್ರಂಕ್ ನಲ್ಲಿ ಹೀಗೆ  ಜೊಡಿಸುತ್ತಿದ್ದಳು , ಆದರೆ ಅದು ತುಂಬಾ ಒಪ್ಪವಾಗಿರುತ್ತಿತ್ತು .  ಒಂದು ಹಾರಿಕೆಯ ನಗುವೊಂದಿಗೆ ಕೆಲಸ ಮುಂದುವರಿಸಿದ್ದೆ ! ಮಗುವಿಗೆ ಬೇರೆ ಅಂಗಿ ತೊಡಿಸಿ , ತುಂಬಿರುವ ಬ್ಯಾಗ್ ಗಳನ್ನೆಲ್ಲ ಕಾರ್ ಡಿಕ್ಕಿ ಒಳಗೆ ಸೇರಿಸಿದಾಗ ಕಿರು ಬೆರಳಿನಲ್ಲಿ ಬೆಟ್ಟ ಎತ್ತು ಬಿಸಾಕಿದ ಅನುಭವ !! ಬೆಂಗಳೂರು ಬಿಟ್ಟು, ಹೈವೇ ಯ ಖಾಲಿಯಾಗಿರುವ ರಸ್ತೆಯ ಮೇಲೆ ಕಾರ್ ಒಡುತ್ತಿರುವಂತೆ, ನನ್ನ ಕೂಸಿಗೆ ನಿದ್ರೆ ಆವರಿಸಿತ್ತು!...
Read more